KL Rahul: టీమిండియా వికెట్ కీపర్ బ్యాటర్ కేఎల్ రాహుల్ మరోసారి తన విలువేంటో నిరూపించాడు. న్యూజిలాండ్‌తో జరిగిన రెండో వన్డేలో ఒత్తిడిని తట్టుకుని చివరి వరకు నాటౌట్‌గా నిలిచాడు. వర్షం కారణంగా మ్యాచ్ ఆగిపోయే సమయానికి 38 బంతుల్లో 26 పరుగులతో క్రీజులో ఉన్నాడు. ఈ మ్యాచ్‌లో భారత్ డక్‌వర్త్ లూయిస్ పద్ధతిలో నాలుగు పరుగుల తేడాతో గెలిచింది. దీంతో ఐదు వన్డేల సిరీస్‌లో 2-0 ఆధిక్యం సాధించింది. ఈ విజయంతో రాహుల్ ఖాతాలో ఓ అరుదైన రికార్డు చేరింది. ఛేజింగ్‌లో అతడు నాటౌట్‌గా నిలిచిన ప్రతిసారీ భారత్ గెలవడం విశేషం.
ఒక్కసారి కూడా ఓటమి లేదు
వన్డేల్లో లక్ష్య ఛేదన సమయంలో కేఎల్ రాహుల్ ఇప్పటివరకు 16 సార్లు నాటౌట్‌గా నిలిచాడు. ఈ 16 మ్యాచ్‌ల్లోనూ టీమిండియా విజయం సాధించింది. అంటే రాహుల్ చివరి వరకు క్రీజులో ఉన్నప్పుడు భారత్ ఒక్క మ్యాచ్‌లో కూడా ఓడిపోలేదు. 15 కంటే ఎక్కువ సార్లు ఛేజింగ్‌లో నాటౌట్‌గా ఉండి, జట్టుకు ఓటమి ఎదురుకాని భారత బ్యాటర్ల జాబితాలో రాహుల్ నాలుగో స్థానంలో నిలిచాడు. ఈ ప్రత్యేక జాబితాలో సచిన్ టెండూల్కర్, యువరాజ్ సింగ్, సురేశ్ రైనా వంటి దిగ్గజాలు ఉన్నారు.
సచిన్ కంటే ముందున్న యువరాజ్, రైనా
ఈ జాబితాలో సురేశ్ రైనా అగ్రస్థానంలో ఉన్నాడు. లక్ష్య ఛేదన సమయంలో అతడు 28 సార్లు నాటౌట్‌గా ఉండగా, ఆ మ్యాచ్‌ల్లో భారత్ ఒక్కసారి కూడా ఓడిపోలేదు. యువరాజ్ సింగ్ 27 సార్లు నాటౌట్‌గా నిలిచి రెండో స్థానంలో ఉన్నాడు. క్రికెట్ దిగ్గజం సచిన్ టెండూల్కర్ 26 సార్లు నాటౌట్‌గా ఉండి మూడో స్థానంలో నిలిచాడు. ఈ ముగ్గురి తర్వాత 16 సార్లు నాటౌట్‌గా నిలిచిన కేఎల్ రాహుల్ నాలుగో స్థానాన్ని దక్కించుకున్నాడు. రాహుల్ ఈ రికార్డును సాధించడం అతడి ఫినిషింగ్ సామర్థ్యానికి నిదర్శనంగా చెప్పొచ్చు.
వన్డేల్లో అత్యధికసార్లు నాటౌట్‌గా నిలిచిన ధోనీ
భారత క్రికెట్‌లో బెస్ట్ ఫినిషర్ అనగానే ముందుగా గుర్తొచ్చే పేరు ఎంఎస్ ధోనీ. వన్డేల్లో అతడు మొత్తం 50 సార్లు నాటౌట్‌గా నిలిచాడు. ఈ సందర్భాల్లో భారత్ కేవలం రెండుసార్లు మాత్రమే ఓటమి పాలైంది. విరాట్ కోహ్లీ 37 సార్లు నాటౌట్‌గా ఉండగా, భారత్ ఒక్క మ్యాచ్‌లో మాత్రమే ఓడింది. రోహిత్ శర్మ 29 సార్లు నాటౌట్‌గా ఉండగా, అతడి విషయంలోనూ భారత్ ఒక్కసారే ఓడిపోయింది. ఈ గణాంకాలు భారత బ్యాటర్ల మ్యాచ్ ముగించే సామర్థ్యాన్ని తెలియజేస్తున్నాయి.
ఛేజింగ్‌లో నాటౌట్‌గా నిలిచిన భారత బ్యాటర్ల జాబితా
వన్డేల్లో లక్ష్య ఛేదన సమయంలో నాటౌట్‌గా నిలిచిన సందర్భాలు, ఆ సమయంలో భారత్ ఎదుర్కొన్న ఓటముల వివరాలు చూస్తే ధోనీ అగ్రస్థానంలో కనిపిస్తాడు. ఆ తర్వాత అజారుద్దీన్, కోహ్లీ, రోహిత్ వంటి ఆటగాళ్లు ఉన్నారు. ఈ జాబితాలో కేఎల్ రాహుల్ కూడా చోటు సంపాదించాడు.
ర్యాంక్ బ్యాటర్ నాటౌట్‌గా నిలిచిన మ్యాచ్‌లు భారత్ ఓడిన మ్యాచ్‌లు 1 ఎంఎస్ ధోనీ 50 2 2 మహమ్మద్ అజారుద్దీన్ 37 4 3 విరాట్ కోహ్లీ 37 1 4 రోహిత్ శర్మ 29 1 5 సురేశ్ రైనా 28 0 6 యువరాజ్ సింగ్ 27 0 7 సచిన్ టెండూల్కర్ 26 0 8 రవీంద్ర జడేజా 23 4 9 కపిల్ దేవ్ 22 5 10 రాహుల్ ద్రవిడ్ 19 2 11 దినేశ్ కార్తీక్ 19 1 12 అజయ్ జడేజా 18 1 13 దినేశ్ మోంగియా 17 8 14 కేఎల్ రాహుల్ 16 0మరిన్ని క్రీడా వార్తల కోసం ఇక్కడ క్లిక్ చేయండి..